MASAA NI YA MUTUTHO

Gilbert Wafula Otieno

MASAA NI YA MUTUTHO
Weita nimeingia, ili nipate tulia,
Muda umeshatimia, mwafaka wa kubugia,
Jegi mbili nitilia, na mziki fungulia,
Masaa ni ya Mututho, fungua hiyo milango.

Leo mimi natulia, pombe sije nilalia,
Kesho nitaraukia, nisiwe wa kusinzia,
Nizose na hisia, nibaki kujilizia,
Masaa ni ya Mututho, fungua hiyo milango.

Chupa mbili kwa Rukia, mimi hapa ‘talipia,
Pesa zilizosalia, hizo nimekwachia,
Nyama utanunulia, ifurahi familia,
Masaa ni ya Mututho, fungua hiyo milango.

Masaa nayo yakimbia, raha sijafikia,
Niongeze hizo bia, deni nitamalizia,
Nisiwe wa kujutia, nikiivunja sheria,
Masaa ni ya Mututho, fungua hiyo milango.

Mshahara ‘meingia, kwenye benki ‘takimbia,
Apewe Taska pia, juzi aliniachia,
Wewe nawe vumilia, kesho nitakurushia,
Masaa ni ya Mututho, fungua hiyo milango.

Kuro amenikwamia, hapa nitasimulia,
Anataka mia mia, baika kunivulia,
Anazidi nizushia, yeye anafaidia,
Masaa ni ya Mututho, fungua hiyo milango.

Mke nimemkimbia, makonde anirushia,
Chakula anajilia, nami kunimalizia,
Kibeti kuniwachia, pesa amejitwalia,
Masaa ni ya Mututho, fungua hiyo milango.

Kama si mama ntilia, mlowe kufatilia,
‘ngekuwa kiangalia, hii pombe ‘kijinywia,
Mtura ninalalia, huku najitapikia,
Masaa ni ya Mututho, fungua hiyo milango.

Beti tisa nakwama, nyumbani kukimbilia,
Saa tano ‘metimia, giza nalo kuingia,
Sitaki kiruka njia, mke wangu achukia,
Masaa si ya Mututho, fungeni hiyo milango.

GILBERT WAFULA OTIENO
“mkosa kabila”
MMUST, Kakamega.